काठमाडौं । पाँच तारे होटल, हिल्टन काठमाडाैंले भारतमा बेष्ट इन्टरनेशनल होटल न्यु रिसोर्ट विधामा उपाधि हात पारेको छ। ट्राभलर्स प्लस लिजर म्यागजिनले आयोजना गरेको प्रतियोगितामा हिल्टन काठमाडाैंले एडिटर्स च्वाइस अन्तर्गत उत्कृष्ट नयाँ गन्तव्यका रूपमा उपाधि हात पारेको हो।
काठमाडाैंको नक्सालमा अवस्थित यो पाँच तारे होटल गत साउन ११ गतेदेखि सञ्चालनमा आएको हो। कुल ३९ वटा अति विशिष्ट कोठा रहेको १५ तल्ले यो होटलमा कुल १७४ कोठा छन् ।
एक रातको बसाईका लागि २६ हजार रूपैयाँसम्म लाग्ने यो होटलले शुरूवाती योजना अन्तर्गत दुई रातको बासका लागि ३८ हजार रूपैयाँ निर्धारण गरेको छ।
