काठमाडौं । सोल्टी होटल आर्थिक वर्ष २०७९/ ८० का लागि लाभांश घोषणा गरेको छ । होटल सञ्चाल समितिको गत शुक्रबार बसेको बैठकले उक्त आर्थिक वर्षको मुनाफाबाट हाल कायम चुक्तापूँजीको कुल ३१.५८ प्रतिशतले हुन आउने लाभांश वितरण गर्ने प्रस्ताव गरेको हो। प्रस्तावित लाभांशमा ५ प्रतिशतले हुन आउने वोनस सेयर र करसहित २६.५८ प्रतिशत नगद लाभांश रहेको छ।
प्रस्तावित लाभाश अनुमोदन गर्न सोल्टी होटलले आफ्नो ४९ औं वार्षिक साधारणसभा पनि डाकेको छ। सभा आउँदो पुस २६ गते काठमाण्डौको कमलादीस्थित नेपाल प्रज्ञा भवनको प्रेक्षालयमा बिहान १०ः३० बजेबाट हुनेछ। सोही सभाले प्रस्तावित लाभांश अनुमोदन गरेपछि सेयरधनीहरुले पाउनेछन्।
लाभांश र वार्षिक साधारणसभा प्रयोजनार्थ होटलले आउँदो पुस ५ गतेदेखि पुस २६ गतेसम्म बुक क्लोज गर्ने निर्णय गरेको छ। पुस ५ गते सम्म कायम सेयरधनीहरुमात्रै यो होटलको लाभांश पाउन र सभामा भाग लिन योग्य हुनेछन्।
