काठमाडौं । सूर्योदय वोमी लघुवित्त वित्तीय संस्था लिमिटेडको शेयर मूल्य समायोजन भएको छ। लघुवित्तले साधारण सभा तथा लाभांश वितरण प्रयोजनका लागि बुक क्लोज गरेसँगै नेप्सेले शेयर मूल्य समायोजन गरी नयाँ मूल्य निर्धारण गरेको हो।
नेप्सेले यस दिन लघुवित्तको १५ प्रतिशत बोनश शेयर समायोजन गरेको हो। समायोजनपश्चात लघुवित्तको शेयरमूल्य ६०२ रुपैयाँ ६१ पैसा कायम भएको छ। नेप्सेले अघिल्लो कारोबार दिनको अन्तिम मूल्य ६९३ रुपैयाँको आधारमा लघुवित्तको शेयर मूल्य समायोजन गरेको हो।
लघुवित्तले गत आर्थिक वर्षको मुनाफाबाट १५ प्रतिशत बोनश शेयर वितरण गर्ने घोषणा गरेको छ। सो प्रस्ताव पारित गर्न लघुवित्तले बैशाख ३० गते वार्षिक साधारण सभा बोलाएको छ।
