काठमाडौं । सिभिल लघुवित्तले निष्काशन गर्न लागेको झण्डै साढे ११ करोड रुपैयाँ बराबरको हकप्रद शेयरलाई केयर रेटिङ नेपालले कमजोर रेटिङ प्रदान गरेको छ ।
लघुवित्तले शतप्रतिशत हकप्रद जारी गर्न गर्न लागेको हो । उक्त हकप्रदलाई केयर रेटिङ नेपालले औषतभन्दा कमजोर आधार जनाउने केयर एनपी आइपीओ ग्रेड ४ रेटिङ प्रदान गरेको छ ।
लघुवित्तले चुक्ता पूँजीको १ बराबर १ अनुपातमा ११ लाख ४१ हजार १४० कित्ता हकप्रद शेयर निष्काशन गर्न लागेको हो ।
हकप्रद निष्काशन गर्न लघुवित्तले नेपाल धितोपत्र बोर्डमा आवेदन दिइसकेको छ । हकप्रद निष्कासन तथा बिक्री प्रबन्धकमा सेञ्चुरी क्यापिटल लिमिटेड रहेको छ ।
हाल लघुवित्तको चुक्ता पूँजी ११ करोड ४१ लाख १४ हजार रुपैयाँ रहेको छ ।
