काठमाडौं । सिबिआईएल क्यापिटलले लगानी व्यवस्थापन सेवा अन्तर्गत नयाँ योजना ‘पोर्टफोलियो अफ म्युचुअल फण्ड’ सेवा सुचारु गरेको छ ।
क्यापिटलका अनुसार यस योजनाको लागि लगानी ३ लाख, न्युनतम अवधि २ वर्ष र वार्षिक सेवा शुल्क ०.५० प्रतिशत कायम गरिएको छ । यस योजना दक्ष तथा योग्य जनशक्तिद्वारा संचालित हुने, अनलाइन मार्फत दैनिक रुपमा लगानी व्यवस्थापनको प्रतिवेदन हेर्न मिल्ने, त्रैमासिक लगानी व्यवस्थापनको प्रतिवेदन उपलब्ध गराइने र सामुहिक लगानी कोषहरु तथा प्राथमिक निष्काशन .आईपिओ,एफपिओ) मा लगानी गरिने क्यापिटलले जनाएको छ।
दक्ष तथा योग्य जनशक्तिद्वारा सामुहिक लगानी कोषहरुको पोर्टफोलियो नियमित निगरानी गरी ग्राहकहरुको जोखिम प्रोफाइल, लगानी रकम र लक्ष्यका आधारमा अनुकूलित पोर्टफोलियो तयार पारि लगानी गरिने कम्पनीले जनाएको छ ।
