काठमाडौं। बीमा समितिको आयोजनामा सिन्धुपाल्चोकको चौताराको साँगाचोकगढी नगरपालिकाका स्थानीय जनप्रतिनिधिहरुसँगको बीमा सम्बन्धी एक दिने अन्तक्रिया कार्यक्रम सम्पन्न गरेको हो ।
बीमा समिति र सिन्धुपाल्चोकको स्थानीयतहसँगको सहकार्यमा शनिबार उक्त कार्यक्रम आयोजना गरिएको थियो ।
उक्त कार्यक्रममा प्रमुख अतिथि सिन्धुपाल्चोक जिल्लाका मेयर अमान सिंह तामाङ, बीमा समितिको तर्फबाट अध्यक्ष चिरञ्जीवी चापाँगाई र कार्यकारी निर्देशक राजुरमण पौडेल र स्थानीयवासीहरुको उपस्थिती रहेको थियो ।
उक्त अन्तक्रिया कार्यक्रममा बोल्दै चौतारा साँगाचोक गढी नगरपालिकाका मेयर अमान सिंह तामाङले बीमा हरेक पाईलामा महत्व रहेको बन्दै कार्यक्रममा उपस्थित सम्पूर्णलाई बीमा गर्न आग्रह गरे । कार्यक्रममा कृषि बीमाको बिषयमा बिशेष छलफल गरिएको समितिले जनाएको छ ।
