काठमााडौ । नेपाल स्टक एक्सचेञ्जमा सानिमा बैंक लिमिटेडको शेयर मूल्य समायोजन भएको छ । नेप्सेले बैंकको १० प्रतिशत बोनश शेयर पछिको मुल्य समायोजन गरेको हो । बैंकको अन्तिम शेयर मूल्य २७१ रुपैयाँ ९० पैसाको आधारमा नेप्सेले बोनश शेयरपछिको शेयर मूल्य २४७ रुपैयाँ १८ पैसा कायम गरेको छ । सोही मूल्यकै आधारमा भोलि शेयर बजारमा कारोबार खुल्नेछ ।
कम्पनीले साधारण सभा तथा लाभांश प्रयोजनका लागि भोलि बुक क्लोज गर्दैछ । बैंकले गत आर्थिक वर्षको नाफाबाट शेयरधनीलाई १० प्रतिशत बोनश शेयर र ० दशमलव ९८ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्ताव पारित गर्न बैंकले आफ्नो १८औं वार्षिक साधारण सभा पुष ३ गते गर्ने भएको छ । बैंकले उक्त सभा अम्रपाली ब्यांक्वेट बालुवाटार काठमाडौंमा गर्ने जनाएको छ ।
