काठमाडौं । पोखरामा रहेको सजिलो बचत तथा ऋण सहकारी संस्थाले आफ्ना ५४० जना सदस्यको कोरोना बीमा गराएको छ । एनएलजी इन्स्योरेन्समा सो सहकारीले आफ्ना सबै सदस्यहरुको कोरोना भाइरसको बीमा गराएको हो ।
अब सो सहकारीका शेयर सदस्यहरुले कोरोना भाइरस पोजेटिभ पुष्टि हुने वित्तिकै ५० हजार रुपैयाँ पाउनेछन् । एनएलजी इन्स्योरेन्सबाट कूल दुई करोड ७० लाख बीमांकको बीमा गरिएको हो । सहकारीले एक लाख ६२ हजार रुपैयाँ तिरेर आफ्ना शेयर सदस्यहरुको बीमा गराएको हो । सहकारीको कार्यसमिति र सल्लाहकार समितिको बैठले सबै शेयर सदस्यहरुको कोरोना बीमा गर्ने निर्णय गरेको सहकारीका अध्यक्ष निर्मल पौडेलले बताए ।
