काठमाडौं । छिमेक लघुवित्त वित्तीय संस्थाले शेयरधनीलाई पुरानो नगद लाभांश लिन आग्रह गरेको छ । कम्पनीको वार्षिक साधारण सभाबाट पारित भएको आथिृक वर्ष २०६९/७० देखि २०७२/७३ सम्मको नगद लाभांश कतिपय शेयरधनीले हालसम्म पनि बुझिलिन बाँकी रहेकाले नगद लाभांश लिन आग्रह गरेको हो ।
लाभांश रकम लिन बाँकी शेयरधनीले सूचना प्रकाशित भएको मितिले ३० दिनभित्र शेयर प्रमाणपत्रसहित कम्पनीको केन्द्रीय कार्यालय मध्यबानेश्वर, काठमाडौंमा सम्पर्क गरी लिन सक्नेछन् । उक्त अवधिमा भित्र लाभांश रकम लिन नआएमा लगानीकर्ता संरक्षण कोषमा जम्मा हुने कम्पनीले जनाएको छ ।
साथै आर्थिक वर्ष २०६९/ ७० भन्दा पहिले भुक्तानी नभई बाँकी रहेको नगद लाभांशहरु यस अघिनै लगानीकर्ता संरक्षण कोषमा जम्मा भइसकेको पनि कम्पनीले जनाएको छ ।
