काठमाडौं । शाइन रेसुंगा डेभलपमेन्ट बैंकको २० हजार कित्ता शेयर आज भदौ ८ गतेबाट लिलामी प्रक्रियामार्फत बिक्रीमा ल्याएको छ । बैंकको संस्थापक समूहको शेयर बिक्रीमा ल्याएको हो । यस यरमा विद्यमान संस्थापक सेयरधनी, अन्य व्यक्ति तथा संस्थाले खरिद आवेदन दिन सक्नेछन्।
उक्त शेयरको न्यूनतम मूल्य प्रतिकित्ता १४५ रुपैयाँ तोकिएको छ। बोलपत्र पेस गर्दा न्यूनतम मूल्य वा सोभन्दा बढी बोलकबोल गर्नुपर्नेछ। लगानीकर्ताले न्यूनतम १ हजार कित्ताका लागि खरिद आवेदन दिनुपर्नेछ। अधिकतममा सम्पूर्ण कित्ताका लागि आवेदन दिन सकिनेछ। लगानीकर्ताले भदौ १७ गतेसम्म खरिद आवेदन दिन सक्नेछन्।
खरिद आवेदन काठमाडौंको थापाथलीस्थित एनआईसी एसिया क्यापिटलबाट दिन सकिनेछ।
