काठमाडौं । आउँदो जुलाई ५ मा दुईपांग्रे सवारीसाधनको बजारमा नयाँ अध्याय सुरु हुन लागेको छ। बजाज अटोले विश्वमै पहिलोपटक सीएनजी बाइक लन्च गर्न लागेको हो।
भारतीय बजारमा लन्च हुन लागेको सीएनजी बाइकको मोडल र नामबारे जानकारी भने खुल्न सकेको छैन। तर, सीएनजी बाइकले दुईपांग्रे सवारीसाधनमा सर्वसाधारणको पहुँचमा मात्र नभई माइलेजको चिन्ता पनि हटाउन सक्ने बताइएको छ। सीएनजी बाइकमा परम्परागत पेट्रोल बाइकभन्दा धेरै फाइदा हुन्छन्। जसमा राम्रो माइलेज र कम कार्बन उत्सर्जनका साथै कम इन्धन लागत समावेश छ।
बजाजको आगामी सीएनजी बाइकमा १२५ सीसी एयर कुल्ड इन्जिन हुने विश्वास गरिएको छ। जसले ७.५ पीएससम्म पावर र ८.५ न्यूटन मिटरसम्म टर्क उत्पादन गर्न सक्नेछ। यसलाई सीएनजीमा चलाउन अनुकूल हुनेछ।
बजाजको सीएनजी बाइकले प्रतिकिलोग्राम सीएनजीमा ५०–६० किलोमिटरसम्मको माइलेज दिन सक्ने बताइएको छ। जुन पेट्रोल बाइकको तुलनामा सस्तो छ। तर, बजाजको सीएनजी बाइकको मूल्य त्यो सेग्मेन्टको सामान्य पेट्रोल बाइकभन्दा पक्कै बढी हुनेछ।
सीएनजी बाइकले पेट्रोल बाइकको तुलनामा कम उत्सर्जन गर्छ। सीएनजीमा कार्बन मोनोअक्साइड, हाइड्रोकार्बन र नाइट्रस अक्साइडको मात्रा कम हुन्छ। जसले वायु प्रदूषण कम गर्न मद्दत गर्छ। सीएनजी पनि पेट्रोलभन्दा धेरै सस्तो छ। यसको मतलब सीएनजी बाइक चलाएर पैसा बचत गर्न सकिनेछ।
सीएनजी बाइकले पेट्रोल बाइकभन्दा बढी माइलेज दिन्छ। यसको मतलब एकैपटक धेरै दूरी कभर गर्न सकिनेछ भने बारम्बार इन्धन भर्नुपर्ने आवश्यकता पर्दैन।
भारत सरकारले सीएनजी सवारीसाधनलाई बढावा दिइरहेको छ र यसका लागि धेरै सहुलियत र कर छुट दिइरहेको छ। यसको मतलब सीएनजी बाइक खरिद गर्दा पनि छुट पाउन सकिनेछ।
बजाजको सीएनजी बाइकको प्रारम्भिक मूल्य भारु १ लाखभन्दा बढी हुन सक्ने अनुमान गरिएको छ।
