काठमाडौं । लामिनार टाइल्स उत्पादक, लुम्बिनी सेरामिक्स लिमिटेडले सर्वसाधारणबाट चुक्ता पूँजी जुटाउनका लागि प्राथमिक सार्वजनिक निष्काशन (आईपीओ) गर्ने भएको छ। कम्पनीले आउँदो छ महिना भित्र आईपीओ निष्काशन गर्ने लक्ष्य राखेको छ।
शेयर निष्काशन तथा बिक्रीका लागि कम्पनीले नबिल इन्भेस्टमेन्ट बैंकिङ लिमिटेडलाई जिम्मेवारी दिएको छ।
लुम्बिनी सेरामिक्स लिमिटेडका अध्यक्ष सुब्रत धितालले भने, “हामीलाई विश्वास छ कि यो शेयर निष्काशनले व्यवसाय विस्तारलाई गति दिनेछ। यसले गुणस्तर र नवीनतालाई निरन्तर सुधार गर्दै औद्योगिक व्यवस्थापनलाई बलियो बनाउने हाम्रो यात्रामा महत्त्वपूर्ण कोसेढुङ्गाको रूपमा काम गर्नेछ।”
