काठमाडौं । आजकल जीवनको कुनै भरोसा हुँदैन। यस्तो अवस्थामा बीमा पोलिसी खरिद गर्नु एउटा धेरै लाभदायक सम्झौता हुन सक्छ। राम्रो जीवन बीमा पोलिसी खरिद गरेको खण्डमा भविष्यमा राम्रो प्रतिफल दिन सक्छ र यसक साथसाथै जीवन समाप्त भएमा जीवन बीमाको लाभ पनि परिवारलाई आर्थिक सहयोगका रुपमा उपलब्ध हुन्छ।
यस्तो अवस्थामा राम्रो जीवन बीमा पोलिस खरिद गर्दा यी कुरालाई ध्यान दिनुपर्छः
आफ्नो जीवनस्तर र आश्रितहरुको विचार
जब तपाइँ जीवन बीमा छनौट गर्नुहुन्छ, तपाइँका आवश्यकता विचार गर्नुहोस्। तपाइँमा कतिजना आश्रित छन् भन्ने कुरा पनि ध्यानमा राख्नुहोस्। तपाइँले आफ्नो उमेरलाई पनि ध्यानमा राख्नुपर्छ किनकि प्रिमियम र परिपक्वता रकम उमेरअनुसार फरक हुन सक्छ।
हरेक व्यक्तिको जीवनमा विभिन्न आर्थिक जिम्मेवारी हुन्छन्। यदि तपाइँ आफ्नो परिवारको एकमात्र कमाउने व्यक्ति हुनुहुन्छ भने उनीहरु आफ्नो जीवन लक्ष्यहरु पूरा गर्न लामो समयसम्म तपाइँमा निर्भर हुन सक्छन्।
अर्कोतर्फ अविवाहित व्यक्तिसँग धेरै आश्रितहरु हुन सक्दैनन्। त्यसकारण तपाइँले कसलाई जीवन बीमा कभरेज चाहिन्छ र तिनीहरुका लागि कसरी सही छनौट गर्ने भनेर विचार गर्न आवश्यक छ।
हालको जीवनशैलीको मूल्यांकन
तपाइँको जीवनशैली आवश्यकताहरुमा आधारित जीवन बीमा कसरी छनौट गर्ने भनेर बुझ्न महत्त्वपूर्ण छ। तपाइँको जीवनशैलीमा खर्च गर्ने बानी र जीवनको सामान्य स्तर समावेश छ। जीवन बीमाबाट तपाइँलाई चाहिने जीवन कभरेज प्रक्षेपण गर्न तपाईको हालको जीवनशैलीको मूल्यांकन गर्दा यो यथार्थवादी हुनु महत्त्वपूर्ण छ।
जब तपाइँसँग जीवनशैली आवश्यकताहरुको स्पष्ट विचार छ तब तपाइँले आफ्ना प्रियजनहरुलाई अझ कुशलतापूर्वक सुरक्षित गर्न सक्नुहुन्छ। नतिजाका रुपमा तिनीहरुले तपाइँको अनुपस्थितिमा पनि आफ्नो जीवनस्तरसँग सम्झौता गर्नुपर्दैन।
आफ्नो आम्दानीको विश्लेषण
तपाइँले १ वर्षमा जीवन बीमामा कति प्रिमियम जम्मा गर्न सक्नुहुन्छ, त्यो धेरै महत्त्वपूर्ण छ। यस्तो अवस्थामा आफ्नो आम्दानीअनुसार जीवन बीमाको प्रिमियम छनोट गर्नुपर्छ। जीवन बीमाको प्रिमियम जति बढी हुन्छ, प्रतिफल त्यति नै राम्रो हुन्छ। तर, यो कुरा पनि ध्यानमा राख्नुपर्छ कि यदि तपाइँको आम्दानीले प्रिमियमको रकम धान्न नसकेमा तपाइँको आर्थिक स्थितिमा धेरै भार नपर्ने र तपाइँको आम्दानीअनुसार प्रिमियम छनोट गर्नुहोस्।
योजनामा राइडर थप्ने
धेरै व्यक्तिहरुलाई बीमा कसरी छनौट गर्ने र तिनीहरुको विशेष प्रोफाइलमा यसको फाइदाहरु अनुकूलित गर्नेबारे थाहा हुँदैन। राइडरहरु बीमा पोलिसीको कभरेज बढाउन बीमाकर्ताहरुद्वारा प्रदान गरिएका अतिरिक्त उपकरणहरु हुन्। तिनीहरुलाई अतिरिक्त प्रिमियम तिरेर खरिद गर्दा तपाइँको बीमा पोलिसीमा थप्न सकिन्छ।
बीमकको दाबी भुक्तानी अनुपात जाँच्नुहोस्
यसका साथै तपाइँले बीमा खरिद गरिरहनुभएको कम्पनीको दाबी भुक्तानी अनुपात पनि जाँच गर्नुपर्छ। यसले बीमा सेवा प्रदायकको आवश्यकताको समयमा आर्थिक सहायता उपलब्ध गराउने वाचा पूरा गर्ने इच्छा र क्षमता झल्काउँछ।
