काठमाडौं । मञ्जुश्री फाइनान्सले यस बर्ष लाभांश नदिने भएको छ । फाइनान्सको पुस १ गते बसेको सञ्चालक समितिको बैठकले गत आर्थिक वर्षको संचित मुनाफा र आर्थिक वर्ष २०७८ /७९ को वित्तीय विवरण प्रतिवेदनको आधारमा यस संस्थाका शेयरधनीहरुलाई नगद लाभांश बोनशस शेयर वितरण नगर्ने जनाएको छ ।
साथै बैठकले आर्थिक वर्ष २०७८/७९ को वासलात, नाफा नोक्सान हिसाब, नगद प्रवाह विवरण लगायतका वित्तीय विवरण अनुसूचीहरु नेपाल राष्ट्र बैंकबाट स्वीकृत भए पश्चात यस संस्थाको आगामी साधारण सभाबाट पारित गर्नको लागि पेश गर्ने प्रस्ताव गरि राष्ट्र बैंकमा स्वीकृतिको लागि पठाउने निर्णय गरेको जनाएको छ ।
