काठमाडौं । नेपाल राष्ट्र बैंकले लघुवित्त वित्तीय संस्थाको लाभांशमा थप कडाइ गरेको छ । आज लघुवित्त वित्तीय संस्थाहरुलाई एकीकृत निर्देशन जारी गर्दै वार्षिक १५ प्रतिशत भन्दा बढी लाभांश वितरण गर्न नपाउने व्यवस्था गरिदिएको छ ।
यस भन्दा अगाडी वार्षिक २० प्रतिशत भन्दा बढी लाभांश वितरण गर्न नपाउने व्यवस्था गरेको छ । वार्षिक १५ प्रतिशत भन्दा बढी लाभांश (नगद वा बोनस) वितरणको प्रस्ताव गरेमा १५ प्रतिशत भन्दा माथिको प्रस्तावित लाभांशको ५० प्रतिशतले हुने रकम साधारण जगेडा कोषमा जम्मा गर्नु पर्ने व्यवस्था गरिदिएको छ ।
