काठमाडौं । नेपाल स्टक एक्सचेञ्जमा साबिकको नेशनल माइक्रोफाइनान्स लघुवित्त वित्तीय संस्था र समिट लघुवित्त वित्तीय संस्था मर्जर पश्चात कायम शेयर सूचिकृत भएको छ । मर्जर पश्चात बनेको नेशनल लघुवित्त वित्तीय संस्थाको नाममा १ करोड ८ लाख ४२ हजार ६३ कित्ता शेयर नेप्सेमा सूचिकृत भएको हो ।
साबिकको नेशनल माइक्रोफाइनान्स र समिट लघुवित्तबीच १ः०.७३ को अनुपातमा मर्जर भएर कायम हुन आएको उक्त शेयर नेप्सेमा सूचिकृत भएको हो । धितोपत्र सूचीकरण विनियमावली २०७५ अनुसार नेप्सेमा कारोबार गर्न सकिने गरी शेयर सूचिकरण भएको छ ।
मर्जर प्रयोजनको लागि रोक्का रहेको कम्पनीको उक्त शेयर कारोबार पनि फुकुवा गरिएको नेप्सेले जनाएको छ । नेप्सेले कम्पनीको शेयरलाई पहिलो कारोबारको लागि १ हजार २१५ रुपैयाँ २९ पैसा ओपनिङ्ग मूल्य तोकिदिएको छ । सोहि मूल्यबाट भोली बुधबारदेखि कम्पनीको शेयर कारोबार खुल्नेछ । कम्पनीको शेयरलाई एनएमएफबीएस कारोबार संकेत प्रदान गरेको छ ।
1692091454189
