काठमाडौं । बाणिज्य बैंकहरुको छाता संगठनले फागुन महिनाका लागि निक्षेपको व्याजदर नघटाउने निर्णय गरेको छ । आज बिहीबार बसेको बैठकले फागुनमा निक्षेपको ब्याज दर यथावत राख्ने निर्णय गरेको हो ।
अर्थमन्त्री विष्णु प्रसाद पौडेलको निर्देशन पछि बाणिज्य बैंकहरुले माघ महिनाका लागि निक्षेपको व्याजदर घटाएका थिए । पुस महिनामा बैंकहरुले ११.४१ प्रतिशत व्याजदर कायम गरेका थिए । आगामी फागुन महिनामा पनि यहि व्याजदर कायम रहनेछ ।
बैंकहरुले माघ मै निक्षेपको व्याजदर घटाए पनि कर्जाको व्याजदर भने बैशाखदेखि मात्रै घट्ने बैंकरहरुले जनाउदै आएका छन् । निक्षेपको व्याजदर मासिक रुपमा परिवर्तन भए पनि कर्जाको व्याजदर त्रैमाशिक रुपमा परिवर्तन हुने बैकहरुले जनाउदै आएका छन् ।
माघ र फागुन महिनामा निक्षेपको व्याजदर तल झर्ने वित्तीकै बैंकहरुको आधार व्याजदर पनि तल झर्नेछ । आधार व्याजदर तल झर्ने वित्तीकै कर्जाको व्याजदर पनि तल झर्नेछ ।
