काठमाडौं । प्रदेश नम्बर दुईमा बीमा सम्बन्धि जनचेतना अभिबृद्धि गर्ने विषयमा बीमा समिति र नेपाल इन्स्योरेन्स प्रोफेसनल सोसाइटी ‘निप्स’को प्रदेश नम्बर दुईको कार्यसमित विचमा बुधबार छलफल सम्पन्न भएको छ । बीमा सम्बन्धी जनचेतना अभिबृद्धि गर्ने उद्देश्यले बीमा समितिले सोमबार र मंगलबार जलेश्वर र मटीहानी नगरपालिकामा अन्तर्क्रिया कार्यक्रम सम्पन्न गरेर आज निप्सका पदाधिकारीहरु सँग छलफल गरेको ।
निप्सको यस कार्यसमितिमा प्रदेश नम्बर दुईमा रहेका विभिन्न बीमा कम्पनीहरुको शाखा कार्यालयमा कार्यरत अधिकृत भन्दा माथिल्लो तहका कर्मचारीको आवद्धता रहेको छ ।
समितिले निप्स सँग भेटर यस क्षेत्रमा रहेका समस्याका विषयमा बुझेको थियो । केन्द्रिय कार्यालयमा काम गर्ने कर्मचारीहरुलाई मात्रै भेटघाट गर्ने बीमा समितिले यस पटक भने निप्सको क्षेत्रिय कार्यसमिति मार्फत समस्याहरु बुझ्ने मौका पाएको छ । यस क्षेत्रमा ८ हजार भन्दा धेरै सक्रिय अभिकर्ताहरु रहेका छन् ।
दुई नम्बर प्रदेशमा रहेका बीमा कम्पनीका ब्रान्च म्यानेजरहरु सँग समन्वय गरेर जनचेतना मुलक कार्यक्रम आयोजना गर्न निप्सले बीमा समितिलाई सुझाव दिएको छ । यस क्षेत्रमा बीमा सम्बन्धि जनचेतना एक दमै कम भएकाले समिति र कम्पनीहरुको समन्वयमा जनचेतनाका कार्यक्रम आयोजना गर्नु पर्ने उनिहरुको तर्क छ ।
महोत्तरी जिल्लाको सदरमुकामा समेत एउटा पनि निर्जीवन बीमा कम्पनीहरुको नभएको पाइएको लालले बताए । कम्पनीहरुले शाखा कार्यालय सञ्चालन नगर्दा यस क्षेत्रका मानिसहरु कृषि बीमा र सम्पत्ती बीमाबाट बञ्चित हुन पुगेको लालले बताए । यस क्षेत्रलाई धनुषामा रहेका शाखा कार्यालयले मात्रै हेर्ने गरेको पाइएको छ ।
शाखा विस्तारका क्रमका अनुमति लिन आउने कम्पनीहरुलाई यस क्षेत्रमा शाखा कार्यालय खोल्न निर्देशन दिइने निर्देशक लाले जानकारी दिए । बीमा कम्पनीहरुले प्रादेशिक स्तरका कार्यालय सञ्चालन गरे पनि अधिकार प्रत्योजना नगर्दा त्यसले खासै अर्थ नराखेको भन्दै निप्सेले यस विषयमा समितिलाई आवस्यक कमद चाल्न सुझाव दिएको छ ।
यस क्षेत्रमा कार्यरत कर्मचारीहरुलाई कम्पनीहरुले स्किल डेभलपमेन्टको तालिम प्रदान नगर्दा पछाडि परेको निप्सको धारणा रहेको छ । कर्मचारीहरुलाई तालिम नदिदा उनिहरु आफैले जानेर बुझेर काम गर्नु पर्ने बाध्यता रहेकाले पनि यस क्षेत्रमा व्यवसाय विस्तार हुन नसकेको पाइएको सहायक निर्देशक थापाले जानकारी दिए ।
अहिले बीमा समितिले सुरु गरेको अभियानमा कम्पनीहरुलाई पनि संलग्न गराएर नियमित रुपमा विभिन्न कार्यक्रमहरु सञ्चालन गरिनु पर्ने उनिहरुले माग राखेका छन् । बीमा कम्पनीहरु जति धेरै स्थानीय स्तरमा भिज्न सक्छन् उनिहरुले व्यवसाय पनि त्यहि अनुसार भित्र्याउनु सक्ने भएकाले स्थानिय स्तरमा जनचेतनाको कार्यक्रमहरु नियमित रुपमा सञ्चालन गर्न निप्सले सुझाव दिएको छ । प्रदेश दुईमा बीमा सम्बन्धि शिक्षाको अभाव कम भएकाले स्थानीय भाषामै बीमा सम्बन्धी कार्यक्रमहरु तयार पार्नु पर्ने उनिहरुको धारणा रहेको छ । यसका लागि बीमा समिति तथा बीमा कम्पनीहरुले स्थानीय भाषामा होडिङ बोर्ड, रेडियो टेलिभिजन तथा पत्रपत्रिकामा प्रचार मुलक सामाग्री तयार पार्न निप्सेले सुझाव दिएको छ ।
जीवन बीमा गर्दा पहिला दुई वर्षमा अभिकर्ताले बीमा शुल्कको २५/२५ प्रतिशतका दरले कमिसन तथा इन्सेटिभका लागि जवरजस्ती बीमा गराउने तर तेस्रो वर्षमा सरेण्डर गराउने गलत प्रवृत्ती यस क्षेत्रमा धेरै रहेको पाइएको छ । यसको समाधानको लागि बीमा ऐनमै सुरुको दुई वर्षमा कमिसन तथा इन्सेन्टिभको दर घटाउनेर यसको अवधि १० सट्टा १४ वर्ष पुर्याउनु पर्ने उनिहरुको सुझाव रहेको छ ।
यस क्षेत्रमा कार्यरत शाखा प्रमुखहरुलाई एकै पटक भर्चुअल माध्यमबाट कार्यक्रम गराउन उनिहरुको सुझाव छ । यदि बीमा समितिले प्रदेश स्तरका ब्रान्च म्यानेजरहरुलाई भर्चुअल माध्यमबाट कार्यक्रम गराउने हो भने समितिले सबै कुराहरु थाहा पाउने र उनिहरुले पनि जान्ने बुझ्ने मौका पाउने निप्सको राय छ ।
लघु बीमा र पशुपन्छी बीमालाई विस्तार गर्नका लागि कम्पनीहरुलाई जम्मा व्यवसायको निश्चित प्रतिशत लघु र पशुपन्छी बीमा हुनै पर्ने व्यवस्था गरिदिने हो भने उनिहरु बाध्य भएर गाउँमा जान र व्यवसाय विस्तार गर्न बाध्य हुने निप्सको सुझाव छ ।
निप्सले दिएको सुझाव तथा स्थानीय निकायका पदाधिकारीको माग लगायतका कुराहरुलाई बीमा समितिमा आएर छलफल गरिने लालले जानकारी दिए ।
यो पनि पढ्नुहोस्
स्थानिय निकायसँग बीमा समिति, मटिहानी नगरपालिकाले बीमाको पहुँच बढाउन नीति बनाउने
सिमानाका नेपाली नागरिक अझै पनि भारतीय कम्पनी मार्फत बीमा गराउदै
