काठमाडौं । बन्दीपुर केबलकार एन्ड टुरिजम लिमिटेडले आईपीओको प्रस्तावसहित तेस्रो वार्षिक साधारणसभा आह्वान गरेको छ।
कम्पनी सञ्चालक समितिले वार्षिक साधारणसभा आउँदो पुस १४ गते आयोजना गर्ने निर्णय गरेको हो। सभा तनहुँको बन्दीपुर–४ केबलकारचोकस्थित बन्दीपुर परियोजना प्राँगण (बटम स्टेसन)मा बिहान ११ बजेबाट सुरु हुनेछ।
सभाले सर्वसाधारणसका लागि आइपीओ ल्याउने विशेष प्रस्ताव अनुमोदन गर्नेछ। आयोजना प्रभावितलाई पनि साधारण शेयर निष्कासन गर्ने विशेष प्रस्ताव सभाले पारित गर्नेछ।
आइपीओ बिक्रीबाट प्राप्त हुने पुँजी रकम उपयोग गर्ने विशेष प्रस्ताव सभाले स्वीकृत गर्नेछ। सभाले आर्थिक वर्ष २०७९÷८०को वासलात, नाफा–नोक्सान हिसाब, नगद प्रवाह विवरणलगायतका वित्तीय विवरण र वार्षिक प्रतिवेदन स्वीकृत गर्नेछ।
