काठमाडौं । सरकारले स्रोतमा चाप परेको भन्दै प्रोत्साहन भत्ता, अतिरिक्त लगायतको भत्तालाई खारेज गरेको छ । अर्थमन्त्री डा. रामशरण महतले आगामी आर्थिक वर्षको बजेट प्रस्तुत गर्दै नयाँ सवारी साधन तथा फर्निचर पनि खरिद नगर्ने घोषणा गरेका छन् ।
आगामी आर्थिक वर्षमा अत्यावस्यक बाहेक नयाँ भवन पनि निर्माण नगरिने उनले बताएका छन् । इन्धन तथा प्रशासनिक खर्चमा समेत मितव्यिता अपनाउने अर्थमन्त्रीले जनाएका छन् । नेपाल सरकारबाट प्रतिनिधित्व गर्नै पर्ने बाहेक कुनै पनि बैदेशिक भ्रमण गर्न नपाउने व्यवस्था गरिएको छ । सरकारले सरकारी कर्मचारीलाई इन्धन उपलब्ध नगराइ नगद नै उपलब्ध गराउने भएको छ ।
