काठमाडौं । प्रभु बैंकका संस्थापक शेयरधनी शंकरलाल अग्रवालले बिक्रीका लागि आह्वान गरेको ६८ हजार ३९ कित्ता संस्थापक शेयर विध्यमान शेयरधनीहरुले खरिद गर्न अस्वीकार गरेका छन् । अग्रवालले गत जेठमा आफ्नो नाममा रहेको उक्त शेयर बिक्रीका लागि बैंकमा निवेदन दिएका थिए ।
उनको निवेदन पछि बैंकले जेठ १५ गते ३५ दिनको सूचना जारी गर्दै विध्यमा इन्छुक लगानीकर्ताका लागि उक्त शेयर खरिदका लागि आह्वान गरेको थियो । तर विध्यमान शेयरधनीहरुले खरिद गर्न नचाहेक पछि बैंकले आजदेखि अन्य लगानीकर्ताहरुका लागि खरिदका लागि आह्वान गर्दै सार्वजनिक सूचना जारी गरेको छ ।
इच्छुक लगानीकर्ताले नेपाल राष्ट्र बैंकले तोके बमोजिमको फिट एण्ड प्रपर टेस्टको मापदण्ड पुरा हुने कागजपत्र पेश गरी १५ दिन भित्र शेयर खरिदका लागि निवेदन पेश गर्न सूचना जारी गरेको छ ।
