काठमाडौं । नेशनल माइक्रोफाइनान्स लघुवित्त वित्तीय संस्था लिमिटेडले संस्थापक शेयर सर्वसाधारणमा विक्री गर्ने भएको छ । कम्पनीले २१ हजार २५५ कित्ता संस्थापक शेयर सर्वसाधारणमा विक्री गर्न लागेको हो ।
कम्पनीले यस भन्दा अगाडि ३५ दिने सूचना सार्वजनिक गरी संस्थापक शेयर विक्री खुला गरेकोमा सो समय अवधिमा संस्थापक शेयरधनीको कुनै पनि आवेदन नपरेपछि सर्वसाधारणमा विक्रीमा ल्याएको हो । शेयरको मूल्य न्यूनतम १ हजार ११५ तोकिएको हुँदा सो वा सो भन्दा बढी मूल्य अकित गरी निवेदन दिन सक्ने कम्पनीले जनाएको छ ।
उक्त शेयर खरीद गर्न ईच्छुक संस्थापक तथा सर्वसाधारण शेयरधनीले यो सूचना प्रकाशित भएको आजको मितीले १५ दिन भित्र आवश्यक कागजात सहित कम्पनीको केन्द्रिय कार्यालय धादिङबेशीमा सम्पर्क गर्न सक्नेछन् ।
