काठमाडौं । नेशनल माइक्रोफाइनान्स लघुवित्त वित्तीय संस्था लिमिटेडले २१ हजार २५५ कित्ता संस्थापक शेयर विक्री गर्ने भएको छ । संस्थाले उक्त शेयर आज फागुन ५ गतेदेखि विक्री गर्न लागेको हो । कम्पनीले प्रतिकित्ता १ हजार ११५ मूल्य तोकेर विद्यमान संस्थापक शेयरधनीहरूले मात्र खरीद गर्न पाउने गरी यो शेयर विक्रीमा ल्याएको हो ।
ईच्छुक विद्यमान संस्थापक शेयरधनीहरूले आगामी ३५ दिनभित्र गोप्यशिलबन्दी बोलपत्र पेश गर्नुपर्नेछ । कम्पनीको केन्द्रीय कार्यालय धादिङ्गमा आवेदन पेश गर्नुपर्नेछ ।
तोकिएको अवधिभित्र विद्यमान संस्थापक शेयरधनीहरूबाट आवेदन प्राप्त नभएमा अन्य व्यक्ति तथा संस्थाहरूमा यो शेयर विक्री गरिने कम्पनीले जनाएको छ ।
