काठमाडौं । नेप्सेमा लक्ष्मी सामूहिक कोषअन्तर्गत सञ्चालित हुने ‘लक्ष्मी भ्यालु फण्ड–२’का इकाइ सूचिकृत भएको छ। यस योजनाका इकाइहरु सूचिकृत गर्न योजना व्यवस्था लक्ष्मी क्यापिटल र नेप्सेबीच आज सम्झौता भएको हो।
यस योजनाका इकाइहरु कारोबारका लागि नेप्सेले एलभीएफ २ संकेत प्रदान गरेको छ। सम्झौताअनुसार यस योजनाका १० रुपैयाँ अंकित दरका कुल ८ करोड इकाइ सूचिकृत भएको छ। यस योजनाका इकाइहरु अब आइतबारबाट कारोबारमा आउनेछन्।
