काठमाडौं । नेपाल राष्ट्र बैंकले १५ अर्ब १३ करोड बराबरको ट्रेजरी बिल जारी गर्ने भएको छ । राष्ट्र बैंकले २८ दिन, ९१ दिन र १ वर्षको लागि ट्रेजरी बिल जारी गर्न लागेको हो ।
मंगलबार जारी हुने यस ट्रेजरी बिलका लागि आज दिउँसो ३ बजे बोलकबोल हुनेछ । राष्ट्र बैंकले २८ दिनको लागि रू। ५ अर्ब बराबरको ट्रेजरी जारी गर्न लागेको हो । यो ट्रेजरी चैत १४ गते परिपक्व हुनेछ ।
त्यसैगरी राष्ट्र बैंकले ९१ दिनको लागि ३ अर्ब १३ करोड बराबरको ट्रेजरी जारी गर्न लागेको हो । यस ट्रेजरी २०८० जेठ १६ गते परिपक्व हुनेछ । १ वर्षको लागि ७ अर्ब बराबरको ट्रेजरी बिल जारी गर्न लागेको हो । यस ट्रेजरी २०८० फागुन १५ गते परिपक्व हुनेछ ।
ट्रेजरी बिल १ वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो ।
