काठमाडौं । नविल बैंकले नेपाल बंगलादेश बैंकलाई प्राप्ति गरे सँगै संस्थापक शेयरधनीहरुको तर्फबाट सञ्चालक समितिमा प्रतिनिधित्व गर्ने सञ्चालक हेरफेर गरेको छ । नविल बैंकका उदय कृष्ण उपाध्याले राजिनामा दिएका छन् । उनले दिएको राजिनामा साउन १३ गते बसेको सञ्चालक समितिको बैठकबाट स्वीकृत भएको छ ।
उनको सट्टामा बैंकले आईएफआईसी बैंकको तर्फबाट ए.आर.एम नजसुस शकिबलाई नियुक्त गरेको छ । बैंकको आगामी साधारणसभासम्मको लागि सञ्चालकमा नियुक्त गरिएको बैंकले जनाएको छ । बैंकको संस्थापक शेयरधनी एन.बी इन्टरनेशनलको तर्फबाट प्रतिनिधित्व गर्दै आएका मलय मुखर्जी र निर्वाण कुमार चौधरीको पदावधि साउन ३१ र मंसिर ५ गतेसम्म मात्रै रहेको हुँदा उनिको पदा पनि आगामी साधारणसभासम्म कायम रहने गरि नियुक्त गरिएको कम्पनीले जनाएको छ ।
