नेको इन्स्योरेन्स लिमिटेड र नेपाल क्रेडिट एण्ड कमर्स बैंक बीच बीमा सेवा आदान–प्रदान सम्बन्धी सम्झौता भएको छ ।
उक्त सम्झौतामा नेको इन्स्योरेन्स लिमिटेडका तर्फबाट प्रमुख कार्यकारी अधिकृत विश्वराम तिमिला र नेपाल क्रेडिट एण्ड कमर्स बैंक लिमिटेडको तर्फबाट प्रमुख कार्यकारी अधिकृत रमेशराज अर्यालले संयुक्त रूपमा हस्ताक्षर गरेका हुन् ।
सम्झौताअनुसार एनसीसी बैंकको कर्पोरेट तथा विभिन्न शाखा कार्यालयहरूबाट बैंकका ग्राहकहरूले नेको इन्स्योरेन्स लिमिटेडले प्रदान गर्ने निर्जीवन बीमासम्बन्धी सेवा सुविधाहरू प्राप्त गर्न सक्ने बैंकद्वारा जारी गरिएको प्रेस विज्ञप्तिमा उल्लेख गरिएको छ ।
