काठमाडौं । निर्धन उत्थान लघुवित्त वित्तीय संस्था लिमिटेडमा चार जना सञ्चालक नियुक्त भएका छन् । कम्पनीको फागुन १२ गते सम्पन्न कम्पनीको २४औं वार्षिक साधारण सभाबाट संस्थापक शेयरधनीहरूको तर्फबाट दुई जना र सर्वसाधारण शेयरधनीको तर्फबाट प्रतिनिधित्व गर्ने दुई जना सञ्चालक गरी कुल चार जना सञ्चालक निर्वाचित भएका हुन् ।
संस्थापक तर्फबाट सञ्चालक पदमा हरिकृष्ण पन्त र देवेन्द्रबहादुर राउत रहेका छन् भने सर्वसाधारण शेयरधनीको तर्फबाट प्रतिनिधित्व गर्ने टोपबहादुर रायमाझी र संम्रिता तिवारी निर्वाचित भएका हुन् ।
