काठमाडौँ । नागबेली लघुवित्त वित्तीय संस्थाले आर्थिक वर्ष २०७५/७६ को लागि लाभांश घोषणा गरेको छ । लघुवित्तले २६ प्रतिशत बोनस सेयर दिने भएको छ । साथै लघुवित्तले बोनसमा लाग्ने कर तिर्न लगानीकर्तालाई १।३६८ प्रतिशत नगद लाभांश दिने पनि निर्णय गरेको छ ।
लघुवित्तकोे आइतबार बसेको सञ्चालक समितिको २६५ औँ बैठकको निर्णयले आफ्ना लगानीकर्तालाई ४ करोड ३५ लाख ९६ हजार ६७० रुपैयाँको बोनस सेयर र कर तिर्न २२ लाख ९४ हजार ५६१ रुपैयाँ वितरण गर्ने निर्णय गरेको हो ।
उक्त लाभांश नियामक राष्ट्र बैंक र आगामी साधारण सभाबाट स्वीकृत भएपछि लगानीकर्ताले पाउनेछन् ।
