काठमाडौं । नेपाल स्टक एक्सचेन्ज नेप्सेमा धौलागिरी लघुवित्तकोआइपीओ सुचिकृत भएको छ। आज कम्पनीको १० लाख ३१ हजार कित्ता शेयर सुचिकृत भएको हो । कम्पनीको DLBS सिम्बलबाट कारोबार हुने छ ।
शेयर सुचिकृत भएसँगै आगामी आइतबारदेखि कम्पनीको शेयर कारोबार गर्न सकिने छ । नेप्सेले कम्पनीको पहिलो कारोबारको लागि १४८ रुपैयाँ ६६ पैसादेखि ४४५ रुपैयाँ ९८ पैसासम्मको रेन्ज तोकेको छ ।
नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको मूल्य तोक्ने गरेको छ । आइतबारको स्पेसल पी ओपन सेसनमा पहिलो कारोबार भई मूल्य तय भएपछि नियमित सत्रमा कम्पनीको शेयर कारोबार हुने छ ।
लघुवित्तले साउन २४ गतेदेखि साउन २९ गतेसम्म सर्बसाधारणलाई आईपिओ बिक्रि खुला गरेको थियो।
