काठमाडौं । नेपाल स्टक एक्सचेन्ज नेप्सेले साना किसान विकास लघुवित्त र आरएमडिसी लघुवित्तको शेयर कारोबार फुकुवा गरेको छ । नेप्सेले यी २ कम्पनीको आधारभूत शेयरधनी बाहेकका अन्य शेयरधनीको शेयर कारोबार फुकुवा गरेको हो।
नेपाल धितोपत्र बोर्डले जारी गरेको धितोपत्र दर्ता गराएका संगठित संस्था एकआपसमा गाभ्ने गाभिने तथा प्राप्ति सम्बन्धी निर्देशिका, २०७९ बमोजिम दुवै कम्पनीको शेयर कारोबार फुकुवा भएको हो ।
साना किसान विकास लघुवित्त र आरएमडिसी लघुवित्तले मर्जरमा जाने सम्झौता गरेपछि दुवै कम्पनीको शेयर कारोबार रोक्का भएको थियो । १००ः८७ को स्वापमा २ संस्था मर्ज हुने प्रारम्भिक समझदारी भएको थियो ।
