नयाँ दिल्ली । यूराेपेली मुलुक इटालीमा मुख्यालय रहेकाे जेनेराली इन्स्याेरेन्सले दुई भारतीय बीमा व्यवसायमा आफ्नो हिस्सेदारी बढाउन वार्ता गरिरहेको छ । ऋणमा डुबेकाे भारतीय साझेदार फ्युचर ग्रुपले आफ्नाे शेयर लगानी बिक्री गरेर वित्तीय संकटबाट बाहिरिने तयारी गरेसँगै जेनरालीले लगानी बिस्तार गर्ने मनशाय बनाएकाे भारतीय संचार माध्यमले उल्लेख गरेका छन् ।
फ्युचर ग्रुपले जीवन र निर्जीवन बीमा कम्पनीकाे सम्पूर्ण शेयर बिक्री गरेर ३० अर्ब रुपैयाँ जुटाउने अपेक्षा गरेको छ । जेनेरालीले भारतकाे जीवन र निर्जीवन बीमा कम्पनीहरूमा हालको ४९ प्रतिशतबाट आफ्नो हिस्सा ७४ प्रतिशतमा पुर्याउन चाहेकाे छ।
भारत सरकारले सन् २०२१ काे बजेट घाेषणामा बीमा क्षेत्रमा ५१ प्रतिशतभन्दा बढी लगानी गर्न बाटाे खुल्ला गरिदिएकाे छ । फ्युचर ग्रुप र अर्को भारतीय संस्थाहरूले जेनेराली इन्स्याेरेन्ससँगको संयुक्त लगानीकाे फ्युचर जनराली जीवन बीमा कम्पनीमा ५१ प्रतिशत शेयर लगानी रहेकाे छ । त्यसैगरी फ्युचर ग्रुपसँग निर्जीवन बीमा कम्पनीमा बाँकी रहेको सबै ५१ प्रतिशत हिस्सेदारी छ।
