काठमाडौं । कपिलवस्तुको शिवराज नगरपालिका–५ की धनिश्वरा बैजालीले जन्म दिनका अवसरमा आफ्ना छोरा र श्रीमानलाई सिटिजन लाइफ इन्स्योरेन्स कम्पनीको जीवन बीमा पोलिसी उपहार दिएकी छन्।
छोराको जन्म दिनका अवसरमा बैजालीले छोरा र श्रीमानलाई सिटिजन लाइफको चन्द्रौटा शाखाबाट १०–१० लाख रुपैयाँको जीवन बीमा पोलेसी उपहार दिएकी हुन्। छोरा तथा श्रीमानको भविष्य सुनिश्चित गर्न र पछिल्लो समयमा अनावश्यक खर्च गरी मनाउने जन्मदिनको परम्परा तोड्न यो कार्य गरेको उनले बताइन्।
जन्म दिन मनाउने नाममा गरिने फजुल खर्च रोक्न र आफू तथा आफ्ना परिवारको भविष्यका बारेमा सोच्ने हो भने सबैले जीवन बीमा गर्नुपर्ने बैजालीको धारणा थियो।
अबका दिनहरुमा आफ्ना बच्चाहरुको राम्रो लालनपालन, उच्च शिक्षा, विवाह, व्रतबन्धका साथै भइपरी आउने खर्चका लागि आजैबाट सबैले आफ्नो आम्दानीले धान्ने गरी जीवन बीमा गरेमा भोलिको भविष्य सुनिश्चित हुने शाखा प्रमुख सन्तोष पन्तले बताए। साथै, यो निकै राम्रो कामको सुरुआत गरेकोमा बैजालीलाई धन्यवाद दिँदै पन्तले भने, ‘अरु आम दिदी–बहिनी र दाजु–भाइले पनि सिक्नुपर्छ।’
