काठमाडौं । जनउत्थान सामुदायिक लघुवित्त वित्तीय संस्थाले लाभांश घोषणा गरेको छ । संस्थाको माघ २९ गते आइतबार अपरान्ह ५ बजे बसेको सञ्चालक समितिको बैठकले गत आर्थिक वर्ष २०७८/७९ को मुनाफाबाट लाभांश घोषणा गरेको छ । संस्थाले चुक्ता पूँजी १४ करोड ७९ लाख रुपैयाँको १५ प्रतिशत बोनस शेयर र बोनस शेयरमा लाग्ने कर प्रयोजनका लागि ०.७८९५ प्रतिशत नगद लाभाश सहित जम्मा १५.७८९५ प्रतिशत लाभांश दिने प्रास्ताव गरेको छ ।
प्रस्तावित लाभांश वितरण पछि चुक्ता पूँजी १७ करोड पुग्नेछ । प्रस्तावित लाभांश नेपाल राष्ट्र बैकबाट स्वीकृत भए पछि मात्रै आगामी वार्षिक साधारणसभामा पेश गर्न सकिनेछ । साधारणसभाबाट लाभांश पारित भए पछि मात्रै शेयरधनीले प्राप्त गर्न सक्ने छन् ।
