काठमाडौं । छिमेक लघुवित्त वित्तीय संस्थाले निमित्त प्रमुख कार्यकारी अधिकृतको जिम्मेवारी छिमेक लघुवित्त संस्थाका सहायक महाप्रबन्धक पदमा कार्यरत चोलराज शर्मालाई दिएको छ ।
हाल संस्थाको प्रमुख कार्यकारी अधिकृत रामचन्द्र जोशीको पदावधि आगामी मंसिर ३० गतेबाट समाप्त हुने भएकाले नयाँ प्रमुख कार्याकारी अधिकृत नियुक्त नहुन्जेलसम्मको लागि शर्मालाई जिम्मेवारी दिएको जनाएको छ ।
संस्थाको मंसिर २० गते बसेको संचालक समितिको बैठकले उक्त निर्णय गरेको हो ।
