काठमाडौं । कुमारी बैंक र एनसीसी बैंक लिमिटेडले एक आपसमा गाभ्ने गाभिने तथा मर्जरमा जाने सम्झौता गरिसकेका छन् । यी दुई कम्पनीले अब पुस १७ गतेबाट कुमारी बैंकको नामबाट एकिकृत कारोबार सुरु गर्दैछन् । त्यसकारण यी दुबै बैंकका एकै ठाउँमा रहेका विभिन्न शाखा कार्यालयहरु मर्ज गराएर पुस १७ गतेदेखि सोही स्थानमार्फत कुमारी बैंकको नामबाट कारोबारमा आउने जनाएको छ ।
कुमारी बैंक र एनसीसी बैंकको कुल १२० शाखा एक आपसमा गाभिएर कुमारी बैंक लिमिटेडको नामबाट ६० वटा शाखा कार्यालयबाट कारोबार सुरु हुने बैंकले जनाएको छ ।
दुबै बैंकले गत मंसिर २५ गते सम्पन्न साधारणसभाबाट मर्जरको विशेष प्रस्ताव पारित गरेका थिए । मर्जरको प्रस्ताव पारित भए सँगै नेपाल राष्ट्र बैंकले पुस ६ गते कुमारीलाई एनसिसी बैंक प्राप्त गर्न अन्तिम स्वीकृति प्रदान गरेको थियो ।
