काठमाडौं । जापानी कार निर्माता कम्पनी निसानले कर्मचारी कटौती गर्ने घोषणा गरेको छ। कटौतीको यो नयाँ घोषणाअन्तर्गत करिब ९ हजार कर्मचारीले जागिर गुमाउनेछन्।
विश्वव्यापी उत्पादन समस्या र चीन र अमेरिकामा घट्दो बिक्रीका कारण यस्तो निर्णय गरिएको कम्पनीले जनाएको छ । विश्वव्यापी रूपमा कम्पनीको उत्पादन करिब पाँच प्रतिशतले घटेको छ।
निसानका प्रमुख कार्यकारी अधिकृत माकोतो उचिडाका अनुसार यो निर्णयले कम्पनी आफैँ संकुचित हुँदैछ भन्ने होइन। ‘निसानले पनि आफ्नो व्यवसाय बढाउन र यसलाई थप लचिलो बनाउनका लागि पुनर्संरचना सुरु गर्नेछ’, उनले भने।
