काठमाडौं । नेपाल स्टक एक्सचेञ्जले सोमवार एभरेष्ट बैंकको बोनश शेयरको मूल्य समायोजन गरेको छ । नेप्सेले १३ प्रतिशत बोनश शेयरको समायोजन पछि शेयरमूल्य ४७७ रुपैयाँ ७९ पैसा तोकेको छ । कम्पनीले अन्तिम शेयर मूल्य ५३९ रुपैयाँ ९० पैसाको आधारमा शेयर मूल्य समायोजन गरेको हो ।
कम्पनीले लाभांश तथा साधारण सभा प्रयोजनको लागि मंगलवार बुक क्लोज गर्ने भएसँगै नेप्सेले शेयर मूल्य समायोजन गरेको हो ।
कम्पनीले गत आवको मुनाफाबाट शेयरधनीलाई १३ प्रतिशत बोनश शेयर र ७ दशमलव ६८ प्रतिशत नगद लाभांश कर सहित वितरण गर्ने प्रस्ताव गरेको हो । यसु प्रस्ताव पारितका लागि कम्पनीले मंसिर २६ गते साधारण सभा गर्दैछ ।
