काठमाडौं । एनसेलको शेयर बेच्ने आजियाटाको निर्णयविरुद्ध परेको रिटमा उच्च अदालत पाटनले दुवै पक्षलाई छलफलमा बोलाएको छ।
न्यायाधीश दीपेन्द्र अधिकारीको इजलासले दुवै पक्षलाई बोलाउन आदेश दिएको हो। दुवै पक्षलाई मंसिर २५ गते छलफलमा बोलाइएको छ।
नेपालमा व्यावसायिक वातावरण नरहेको दाबी गर्दै आजियाटाको बोर्ड बैठकले एनसेलमा रहेको आफ्नो सम्पूर्ण शेयर बिक्री गर्ने निर्णय गरेको थियो । एनसेलमा आजियाटाको ८० प्रतिशत शेयर रहेको छ।
आजियाटाको यो निर्णयविरुद्ध गोकुलबहादुर रोकायाले उच्च अदालतमा रिट दायर गरेका थिए।
