काठमाडौं । आईसीएफसी फाइनान्सले लाभांश घोषणा गरेको छ । कम्पनीको बुधबार बसेको संचालक समितिको बैठकले आर्थिक वर्ष २०७८/७९ को मुनाफाबाट आफ्ना शेयरधनीलाई वितरण गर्ने कुल १० प्रतिशत लाभांश घोषणा गरेको हो ।
कम्पनीले हाल कायम चुक्ता पुँजीको ५ प्रतिशतले हुन आउने ५ करोड ६३ लाख ५५ हजार ७ सय ६० रुपैयाँ बराबरको बोनश शेयर र कर प्रयोजनको लागि समेत गरि ५ प्रतिशतले हुन आउने ५ करोड ६३ लाख ५५ हजार ७ सय ६० रुपैयाँ बराबरको नगद नगद लाभांश गरि कुल १० प्रतिशत लाभांश बितरण गर्ने प्रस्ताव गरेको हो।
कम्पनीको उक्त प्रस्तावित लाभांश नेपाल राष्ट्र बैंकले स्वीकृति दिएपछि र कम्पनीको आगामी वार्षिक साधारण सभाले पारित गरेपछि लगानीकर्ताले पाउनेछन् ।
