बीमा समितिले महालक्ष्मी लाईफ इन्स्योरेन्स कम्पनीको दर्ता प्रक्रिया रोक्नका लागी सर्वोच्च अदालतमा दिएको पुनरावलोकनको निवदेन रद्ध भएको छ । अदालतले समितिले दिएको निवेदनलाई निस्सा प्रदान नगरेपछि निवेदन अस्वीकृत भएको छ ।
गत असार १४ गते अदालतले समितिको नाममा परमादेश जारी गर्दै महालक्ष्मी लाईफ इन्स्योरेन्स कम्पनीको दर्ता प्रक्रिया अगाडी बढाउँन आदेश दिएको थियो । तर, मन्त्रालयले अदालतको आदेश रोक्न पुनरावलोकन गर्न समितिलाई निर्देशन दिएको थियो । समितिले गत असोज २३ गते अदालतमा पुनरावलोकन गरेको थियो ।
तर अझै पनि कम्पनीले दर्ता अनुमती पाउँनेमा भने शंका देखिएको छ । अदालतले दर्ता प्रक्रिया अगाडी बढाउँनु भन्ने मात्रै आदेश दिएकाले कम्पनीले सञ्चालन अनुमती पाउँने नपाउनेमा अन्यौलता देखिएको छ ।
