काठमाडौं । नेपाल सरकारले अध्यादेशमार्फत् बीमा ऐन २०७९ को व्यवस्था संशोधन गर्दै अध्यक्षबाहेकका सदस्यको पदावधि र पुनः नियुक्तिसम्बन्धी प्रावधान नै खारेज गरिदिएको छ।
सरकारले दफा ९ को १ मा संशोधन गर्दै अध्यक्षको पदावधि ४ वर्ष र सरकारले मनासिब ठानेमा पुनः ४ वर्षका लागि नियुक्त गर्न सक्ने प्रावधान कायम राख्दै बाँकी सञ्चालक सदस्यहरूको पदावधि र पुनः नियुक्तिसम्बन्धी व्यवस्था हटाएको छ।
अध्यादेशमार्फत गरिएको ऐनमा संशोधनसँगै अब सदस्यको पदावधि कति वर्षको हुने भन्ने टुङ्गो नहुने भएको छ। सरकारले नियुक्ति गर्ने समयमा तोकिदिने पदावधि नै सदस्यको पदावधि कायम हुनेछ। यसबाहेक पुनः नियुक्तिसम्बन्धी प्रावधान हटाइएकाले भने अब सदस्यहरू पुनः नियुक्तिको बाटो तत्कालका लागि बन्द भएको छ।
