काठमाडौं । नेपाल स्टक एक्सचेञ्जमा तीन कम्पनीको शेयरमूल्य समायोजन भएको छ। नेप्सेमा नेशनल लाइफ इन्स्योरेन्स र एनएलजी इन्स्योरेन्सको बोनस शेयर पछिको मुल्य समायोजन भएको हो भने बरुण हाइड्रोपावरको हकप्रद शेयरपछिको मूल्य समायोजन भएको हो।
नेशनल लाइफ इन्स्योरेन्सको ५ प्रतिशत बोनस शेयरपछिको मूल्य समायोजन गरेको हो। समायोजनपश्चात इन्स्योरेन्सको शेयरमूल्य ५९८ रुपैयाँ ४४ पैसा कायम भएको छ। इन्स्योरेन्सको अन्तिम कारोबार मूल्य ६२८ रुपैयाँ ३६ पैसाको आधारमा मूल्य समायोजन भएको हो ।
एनएलजी इन्स्योरेन्सको २.५० प्रतशत बोनस शेयरपछिको मूल्य समायोजन गरेको हो। इन्स्योरेन्सको समायोजित मूल्य ७४१ रुपैयाँ ४८ पैसा कायम भएको छ। एनएलजीको ७६० रुपैयाँ २ पैसाको आधारमा मूल्य समायोजन भएको हो ।
बरुण हाइड्रोपावरको शतप्रतिशत हकप्रद शेयर समायोजनपश्चात कम्पनीको शेयरमूल्य २९० रुपैयाँ ३६ पैसा कायम भएको छ। हाइड्रोपावरको ४८० रुपैयाँ ७२ पैसाको आधारमा मूल्य समायोजन गरेको हो । यही समायोजित मूल्यलाई आधार मानेर आज दोस्रो बजारमा यी कम्पनीहरुको शेयर कारोबार खुल्नेछ।
