काठमाडौं । सरकारले आगामी २ वर्षभित्र चामल आत्मनिर्भर हुने लक्ष्य राखेको छ।
संसदको संयुक्त बैठकमा आज आगामी आर्थिक वर्षको बजेट पेस गर्दै अर्थमन्त्री विष्णु पौडेलले सरकारको यस्तो लक्ष्य सुनाएका हुन्। ‘दुई वर्षभित्र चामलमा आत्मनिर्भर हुन तराई र भित्री मधेशका २२ जिल्लामा चैते धानखेती प्रवर्द्धन कार्यक्रम सञ्चालन गरिनेछ’, उनले भने।
त्यसबाट थप १२ लाख मेट्रिकटन धान उत्पादन हुने अपेक्षा सरकारको रहेको छ। ‘चैते धानखेतीका लागि सिँचाइ पूर्वाधार निर्माण गर्न ३३ करोड विनियोजन गरिएको छ’, उनले भने।
