काठमाडौं । सरकारले सबै सार्वजनिक सेवालाई अनलाइन माध्यमबाट प्रवाह गर्ने नीति लिएको छ।
आगामी आर्थिक वर्षको वार्षिक नीति तथा कार्यक्रममा यस्तो नीति सरकारले समावेश गरेको हो। नीति तथा कार्यक्रम राष्ट्रपति रामचन्द्र पौडेलले संसदको संयुक्त बैठकमा पेस गरिरहेका छन्।
सार्वजनिक सेवालाई प्रभावकारी बनाउन फेसलेस सेवाको विस्तार गरिने सरकारको नीति रहेको छ। ‘नागरिक एपलाई सेवाप्रदायक मुख्य डिजिटल उपकरण विकास गरी सकेसम्म सबै सेवा अनलाइन गरिनेछ’, नीतिमा उल्लेख छ।
यसैगरी फजुल खर्च रोक्न अनावश्यक संरचना खारेज गर्ने सरकारको योजना रहेको छ। ‘अवथा त्यस्ता संरचनालाई गाभ्ने र हस्तान्तरण गरिनेछ’, नीतिमा भनिएको छ।
