काठमाडौं । के तपाइँले कहिल्यै त्यस्तो व्यक्तिका बारेमा सुन्नुभएको छ जसले लगभग पाँच दशकदेखि पानी पिएको छैन ? वारेन बफेट त्यस्तै एक व्यक्ति हुन्। ९६ वर्षीय यी अर्बपतिले ४८ वर्षदेखि पानी पिएको छैन भनिएको छ। किनकि उनी हरेक दिन केही न केही पिउँछन्।
पानी बिना ४८ वर्ष !
हेज कोष प्रबन्धक बिल एकम्यानले एक पोडकास्टमा सम्झिए कि ९६ वर्षीय अर्बपति वारेन बफेटले उनलाई ४८ वर्षदेखि पानी नपिएको बताएका थिए। ‘यो कथा बफेट एकपटक मेरो घरमा खानाका लागि आएको बेला साझा गरिएको थियो’, एकम्यानले भने, ‘मैले उनलाई सोधेँ कि उनलाई स्टिल वाटर वा स्पार्कलिङ वाटर लिन चाहनुहुन्छ। तर, उहाँले अस्वीकार गर्नुभयो र आफ्नो मनपर्ने पेयपदार्थ चेरी कोक माग्नुभयो।’
पानी होइन भने अर्बपतिलाई के मन पर्छ ?
बिजनेस टुडेमा प्रकाशित एक खबरले एकम्यानको पोडकास्टलाई उद्धृत गर्दै भनेको छ कि वारेन बफेट दशकौँसम्म पानी नपिउने बारेमा गम्भीर थिए वा उनी मजाक गरिरहेका थिए भन्ने कुरा स्पष्ट छैन। यद्यपि, बफेटको कोका–कोलाप्रतिको प्रेम सबैलाई थाहा छ र अर्बपति लगानीकर्ताले दिनमा पाँच क्यान पिउने गर्छन्। बफेट प्रायः आफ्नो कोका–कोला पिउने बानीका बारेमा खुलेर बोल्छन्।
द स्ट्यान्डर्डको एउटा खबरअनुसार सन् २०१५ मा वारेन बफेटले भने कि कोका–कोलाले उनको दैनिक क्यालोरी सेवनको २५ प्रतिशत ओगटेको छ। बफेटको खाना छनौटहरु कोका–कोलाभन्दा बाहिर फैलिएका छन्। उनी काममा जाँदा नियमित रुपमा म्याकडोनाल्डमा ब्रेकफास्टका लागि रोकिन्छन्। जहाँ उनी हट डग, फ्रेन्च फ्राइज, पपकर्न, कुकिज, क्यान्डी र आइसक्रिमको आनन्द लिन्छन्। सन् १९८६ मा बर्कशायर ह्याथवेको वार्षिक बैठकमा चेरी कोकमा स्विच गर्नुअघि बफेट ४८ वर्षसम्म पेप्सीप्रति बफादार थिए।
कोका–कोलामा बफेटको प्रमुख लगानी
कोका–कोला वारेन बफेटको मनपर्ने पेयमात्र होइन। यो उनको सबैभन्दा सफल लगानीमध्ये एक पनि हो। बर्कशायर ह्याथवेले सन् १९८८ र १९८९ को बीचमा कोका–कोलामा १.३ अर्ब डलरको स्थिति निर्माण गरे र त्यसबेलादेखि लगभग ९ प्रतिशतको हिस्सेदारी राखेका छन्। अर्बपतिले त्यो प्रारम्भिक लगानीको लगभग २१ गुणा प्रतिफल कमाएका छन्।
जापानी खाना कहिल्यै नखाने वाचा
खबरहरुअनुसार वारेन बफेटले एक पटक फेरि कहिल्यै जापानी खाना नखाने वाचा गरेका थिए। उनको जीवनीअनुसार सन् १९८९ मा उनी न्युयोर्कमा सोनीका तत्कालीन अध्यक्ष अकियो मोरिताको फिफ्थ एभिन्यु अपार्टमेन्टमा एक निजी डिनरमा सहभागी भए। चार शेफहरुले १५–कोर्स खाना तयार पारे। बफेटलाई खाना पटक्कै मन परेन। उनले भने, ‘मलाई थाहा थिएन कि पृथ्वीमा काँचो खान सकिने धेरै चीज छन्।’ उनी एक टुक्रा पनि नखाईकन गएपछि जापानी खाना त्याग्ने वाचा गरे।
लामो समयदेखि शीर्ष १० अर्बपति
वारेन बफेट लामो समयदेखि विश्वका शीर्ष १० धनी अर्बपतिको सूचीमा समावेश छन्। उनी हाल यस सूचीमा १० औँ स्थानमा छन्। फोर्ब्स रियल–टाइम बिलियनेयर इन्डेक्सका अनुसार उनको कुल सम्पत्ति १५४.४ अर्ब डलर छ। –एजेन्सी
