काठमाडौँ । माउन्टेन इनर्जी नेपाल लिमिटेडको शेयर रजिष्ट्रारमा एनआइबीएल एस क्यापिटल लिमिटेड नियुक्त भएको छ । कम्पनीको सञ्चालक समितिको निर्णय अनुसार कम्पनीको धितोपत्र कारोबार सम्बन्धी अभिलेख राख्ने, दाखिला खारेज, नामसारी, रोक्का राख्ने लगायतका शेयरधनीहरुको लागत अद्यावधिक गरी राख्ने लगायतका सम्पूर्ण कार्य गर्नको लागि एनआइबीएल एस क्यापिटल लिमिटेडलाई नियुक्ति गरिएको कम्पनीले जनाएको छ ।
अब संस्थाको शेयर रजिष्ट्रार अन्तर्गतको सम्पूर्ण कार्यहरू एनआइबीएल एस क्यापिटल लिमिटेड मार्फत हुने कम्पनीले बताएको छ ।
