काठमाडौं । युनाइटेड इन्स्योरेन्स कम्पनी लिमिटेडको शेयर रजिष्ट्रारमा नबिल इन्भेष्टमेन्ट बैंकिङ्ग लिमिटेड नियुक्त भएको छ । कम्पनीले कार्तिक १ गते, शनिबारबाट लागू हुने गरी नारायणचौर, नक्साल, काठमाडौंस्थित नबिल इन्भेष्टमेन्ट बैंकिङ्ग लिमिटेडलाई शेयर रजिष्ट्रार नियुक्त गरेको कम्पनीले जनाएको छ ।
अब कम्पनीको धितोपत्र कारोबार सम्बन्धी अभिलेख राख्ने, दाखिला खारेज, नामसारी, रोक्का राख्ने लगायतका शेयरधनीहरुको लागत अद्यावधिक गरी राख्ने, संस्थाको शेयर रजिष्ट्रार अन्तर्गतको सम्पूर्ण कार्य गर्नको लागि नबिल इन्भेष्टमेन्ट बैंकिङ्ग लिमिटेडलाई नियुक्ति गरिएको हो ।
