काठमाडौं । जनरल इन्स्योरेन्स कम्पनी नेपालले शेयर रजिष्ट्रारमा कुमारी क्यापिटललाई नियुक्त गरेको छ । कम्पनीले आजबाट लागू हुने गरी नक्साल, काठमाडौंस्थित कुमारी क्यापिटल लिमिटेडलाई शेयर रजिष्ट्रारमा नियुक्त गरेको जनाएको छ ।
कम्पनीको सञ्चालक समितिको निर्णय अनुसार कम्पनीको धितोपत्र कारोबार सम्बन्धी अभिलेख राख्ने, दाखिला खारेज, नामसारी, रोक्का राख्ने लगायतका शेयरधनीहरुको लागत अद्यावधिक गरी राख्ने लगायतका सम्पूर्ण कार्य गर्नको लागि कुमारी क्यापिटल लिमिटेडलाई नियुक्ति गरिएको कम्पनीले जानकारी गराएको छ ।
अब कम्पनीको शेयर रजिष्ट्रेशन सम्बन्धी सम्पूर्ण कार्यहरु कुमारी क्यापिटलबाट हुने छ ।
