अब देखि भारतीय बीमा तालिम केन्द्र (आईआईआई) को परिक्षा बीमा तालिम केन्द्र नेपालले नै लिने भएको छ । आईआईआईद्धारा सञ्चालित व्यवसायिक कोर्षको परिक्षा बीमा समिति अन्र्तगतको बीमा तालिम केन्द्र नेपालले लिने भएको समितिका सल्लाहकार तथा बीमा तालिम केन्द्र नेपालका प्रमुख भोजराज शर्माले बताए ।
बीमा क्षेत्रमा काम गर्न चाहने व्यक्तिलाई लक्षित गरी आईआईआईले विभिन्न तहको व्यवसायिक कोर्ष सञ्चालन गर्दै आएको छ । लाईसेन्ससिप, एशोसियटसिप तथा फेलोसिप गरी तीन तहको कोर्षका सञ्चालन हुँदै आएको छ । आईआईआईले हालसम्म नेपालमा ओरियण्टल इन्स्योरेन्स मार्फत परिक्षा लिदै आएको थियो । यस्तो खालको परिक्षा नोभेम्बर र मे महिनामा हुँदै आएको छ । यस पटकको नोभेम्बर सेशनको परिक्षामा बीमा तालिम केन्द्र नेपालले लिएको छ । परिक्षामा ५४ जना भन्दा बढी सहभागी भएका थिए ।
आईआईआईद्धारा सञ्चालित व्यवसायिक कोर्ष अध्ययनमा नेपालीहरुको पनि उत्तिकै रुचि देखिएको छ । तर, अहिलेको अवस्थामा नेपालीहरुले भारतीय बीमा क्षेत्रकै अध्ययन गर्ने र परिक्षा दिने गर्दै आएका छन् । आगामी दिनमा कोर्षमा नेपाली बीमा क्षेत्रलाई समेटिने आईआईएनको उद्धेश्य रहेको छ । साथै यस्ता कोर्षहरुले आईआईएनले नै सञ्चालन गर्ने समेत योजना रहेको समितिले बताएको छ ।
